| Pakwecikan ari orakanik! |
Nohwe ka itasinatek orakan nte ocpimicik ka masinatek enkon ka icinikatcikatek nikotaciwotakon ni e itewotakok. Nte otci nisitotakon e otanani rikictek -(i)k. Nte irapatan e witcikatek tacikewoskak, taci e icaniwok, taci pe pa tacikaniwok kekotc taci e actek kekwan kekotc kekocic.
Mitowi :
| orakan | → | orakanik |
| kictikwan | → | kictikwanik |
| nicim | → | nicimik |
Nte Opitcowonok nanikotono petakotawok e ickwanipatikik neriw i . Mitowi e itaniwok nicimik nte itewok nicimiki .
Nanikoto e nikotaciwotakok otananimiw rikisinahikanik nte itasinihitew -k kekotc -ok mitowi ohwe :
| Kitci nikotaciwotakok nihe actakaniwon-k | |||
| nipi | → | nipik | |
| asini | → | asinik | |
| aski | → | askik | |
| Otananimiw rikisinahikan e actek w maninikatew -k tca actakaniwon | |||
| pikiw | → | pikik | |
| notcimiw | → | notcimik | |
| meskanaw | → | meskanak | |
| otenaw | → | otenak | |
| Meckotcickamakan otananimiw rikisinahikan w meckota o actew -(i)k : kw → kok | |||
| mictikw | → | mictikok | |
| minictikw | → | minictikok | |
| mickekw | → | mickekok | |
| mitcisowikamikw | → | mitcisowikamikok | |
Nte icinikatamowin e arimotcikatek kekwan eka e nokok matci mitcet kekotc micaw nte mamitaneritamowinik ka itahikateki. Mitowi atoskewin kekotc atoskewinik nohwe itohikatew e mamitaneritcikatek e atoskaniwok.