Nanakasowerita!

Otapan ni wapaten.
Otapaniriw wapatam.

Nanakatcita ickwani rikisinahikan -iriw nta itewinik otapan . Enkon ka icinikatek ka aco arimomiwetakok icinikatamowin. Ekoni e itewemonaniwok kecpin mitcet awik e acotciparitc awik atisokanik. Mitowi e itaniwok, awacic acit minoc kekotc awacic acit otapan.

Minoca wapamew ohwa awacic. (MW)
Minociriw wapamew ohwa awacic. (O)
Otapaniriw wapatam ohwa awacic.

Nohwe ickwani rikisinahikana papitoc matci aitewemonaniwon. Nte Manawanik acit nte Wemotacik petakon kiapatc ka aco arimomiwetakok icinikatamowina acit kotak awik e iti acotci wirakaniwitc kiapatc.

Icinikatamowin

	AKA KA ACO ARIMOMIWETAKOK	KA ACO ARIMOMIWETAKOK (MW)	KA ACO ARIMOMIWETAKOK (O)
E PEIKOCITAKOK	tciman	tcimaniw tcimaniriw	tcimaniriw
E MITCETIWOTAKOK	tcimana	tcimaniw tcimaniriw	tcimaniriw(a) /

Icinikaciwewin

	AKA KA ACO ARIMOMIWETAKOK	KA ACO ARIMOMIWETAKOK (MW)	KA ACO ACO ARIMOMIWETAKOK (MW)	KA ACO ARIMOMIWETAKOK (O)
E PEIKOCITAKOK	iriniw	iriniwa	iriniriw	iriniriw
E MITCETIWOTAKOK	iriniwok	iriniwa	iriniriw	iriniriw

Ka aco arimomiwetakok icinikatamowin awik wir tipirowe

Nanakasowerita!

niminocim

ominocima (MW)

E mitcetitcik e arimomakaniwitcik awik ekoni kicawatc e petakok nohwe e ka aco arimomiwetakok icinikatamowin. Nte ici wapatcikatew e ititakok nohwe icinikatamowin (MW) nte ickwani acotcisinahikanik -a. Nte Opitciwan (O) nama petakoniw e acotcipitakik icinikatamowin aric nte ici kiskeritakon nohweriw e itewotakonik itotiskewin ka arimotakik -ritci.

ominocima ka wapasiritci. (MW)

ominocim ka wapasiritci. (O)