| minoc | minocak |
| otapan | otapana |
Minoc peikociw e wirakaniwitc kekotc otapan peikocin e witcikatek. Minawa e itaniwok minocak mitcet arimomakaniwiwok acit otapana e itewotakok mitcet arimotcikatew otapana. E nehirowimonaniwok, takon ka pimatisiweritakoki itewina mitowi minoc takon kaie eka ka pimatisiweritakoki itewina mitowi otapan pitoc aric itasinahikatewa kecpin mitcet e arimomakaniwitcik awiniki kekotc mitcet e arimotcikatek kekwan.
Nihi icinikaciwewin (ka pimatisiweritakok) mitcet e wi arimomakaniwitc awik nohwe actakaniwon otanani rikisinahikan ak (kecpin itasinahikewin w kekotc ma o mamitcit e actek ok actakaniwon e mitcetewetakok). E arimomiwetakok e peikocit kekotc mitcetitcik otanani rikisinahikan a kekotc iriw itewotakona.
| Mitowi | e peikocitakok | e mitcetiwotakok = ak |
|---|---|---|
| ka pimatisiweritakok | minoc | minocak |
| niska | niskak | |
| names | namesak | |
| asam | asamak | |
| iskwew | iskwewok | |
| napew | napewok | |
| atikw | atikok | |
| atimw | atimok | |
| mictikw | mictikok | |
| masko | maskook |
Nte icinikatamowina (eka ka pimatisiweritakok) a ickwani rikisinahikan actakaniwono. Ekoni peikon ke itactek ka arimomiwetakok e mitceki e itewetakok.
| Mitowi | e peikocitakok | e mitcetiwotakok = a |
|---|---|---|
| eka ka pimatisiweritakok | otapan | otapana |
| tetapiwakan | tetapiwakana | |
| wapikoni | wapikonia | |
| masinahikan | masinahikana | |
| pakekineskisin | pakekineskisina | |
| nipakanatikw | nipakanatikwa | |
| rakasimon / rikasimon |
rakasimona / rikasimona |
|
| waminapo | waminapowa | |
| meskanaw | meskanawa |
Kecpin eka e kiskeritcikatek icinikaciwewin e pitc pimatisiweritakok kekotc eka e pimatisiweritakok nohwe miropatan nte e ici nantowapatcikatek natawa masinihikanik. Nte itasinatew : « NA » (icinikaciwewin ka pimatisiweritakok) kekotc « NI » (icinikatamowin eka ka pimatisiweritak).
Ohwe mitowi arimwesinahikana e peikocit kekotc e mitcetitcik e itewotakok :
| Ka pimatisiweritakok | |
|---|---|
| Peikociw minoc, wapisiw. | Mitcetiwok minocak, niaraniwok. |
| Ni wapamaw peikw mos e pimotetc. | Nictiwok mosak e matakasipatatcik sakihikanik. |
| Wapamew mosa e pimoteritci (MW) Wapamew mosoriw e pimoteritci (O) |
Wapamew mosa e pimoteritci (MW) Wapamew mosoriw e pimoteritci (O) |
| Eka ka pimatisiweritakok | |
|---|---|
| Mirwacin otapan, mikwaw. | Ni kanawapaten nicwaso otapana e mipariki. |
| Icpanaw tetapiwakan. | Ni otapinenan nicw tetapiwakana. |
| Ki otapinam tetapiwakaniw. | Ki otapinam tetapiwakana. |